Во рамките на проектот Велосипедска, културна прошетка „Скриените музеи на Скопје“ спроведуваме анкета на тема „Музеј кој само вие го знаете“ со цел да ги дознаеме за не толку познатите музеи во и околу Скопје.

Почитувани, прашалникот „Превоз за време на корона“, изработен од Здружението на граѓани Одржливи иницијативи од Скопје, во соработка со НаТочак, е наменет да ги регистрира вашите искуства и ставови во врска со превозот низ град Скопје за време на корона кризата и по неа. Вашите одговори ќе ни дадат до знаење каков јавен сообраќај сакаат жителите на Скопскиот регион да имаат и користат.

Пополнувањето на овој прашалник е анонимно.

Ве молиме следете го овој линк до прашалникот: https://forms.gle/3VCnXTN8jrQPtgt36

 Со цел спроведување активности од областа на промоцијата и развојот на велосипедизмот, бараме нови доброволци кои би се приклучиле на нашата екипа, која изминатава деценија работеше неуморно и пред јавноста ги реализираше нештата како ВелоФест и Педала, како и ред настани низ земјата, но и помош и поддршка на активностите на НаТочак. Сега се впуштаме во нови авантури и потребни ни се нови доброволци со кои ќе оствариме нови нешта.

 Следејќи ја ситуација поврзана со Коронавирусот, како во земјава, така и во странство, ви се обраќаме со отворено писмо со цел да ве поттикнеме да се преземат дополнителни итни мерки кои ќе овозможат зголемено дистанцирање меѓу поединци, односно спречување на ширење на вирусот, а при тоа ќе овозможат луѓето побезбедно да се движат.